നഷ്‌ടപ്പെട്ട വീട്‌

ദ്രവിച്ചു പഴകിയൊരു വീടെനിക്കുണ്ടായിരുന്നു...
മേൽക്കൂര നഷ്‌ടപ്പെട്ടൊരു വീട്‌
വെയിലേറ്റു ഞാൻ കത്തിയൊലിച്ചിട്ടുണ്ട്‌
മഴയേറ്റു ഞാൻ നനഞ്ഞൊട്ടാറുമുണ്ട്‌
കാറ്റ്‌ പലപ്പോഴും എന്റെ വിളക്കണച്ചിട്ടുമുണ്ട്‌
എങ്കിലും ആ വീടെന്റേതായിരുന്നു...

            കുത്തിയൊലിച്ചു വന്നൊരു മലവെള്ളപ്പാച്ചിലിൽ
            എന്റെ  വീടിന്നലെ നിലം പൊത്തി ...
             ഇന്ന് മറ്റാരുടേയോ വീട്ടിൽ ഞാൻ അതിഥിയാണ്‌
             ദൃഢമായ മേൽക്കൂരയുള്ളൊരു വീടാണ്‌
             ഞാനിവിടെ ''സുരക്ഷിതയാണത്രേ"
            ശരിയാണ്‌ ഞാനിവിടെ 'സുരക്ഷിതയാണ്‌'
            വെയിലു കൊള്ളാറില്ല ഞാനിപ്പോൾ
             മഴ നനയാറുമില്ല ...
            ഒരു കാറ്റും എന്റെ വിളക്കണക്കാൻ     
             ഒന്നെത്തി നോക്കാറു പോലുമില്ല
             എങ്കിലും ... ഇതെന്റെ വീടല്ലല്ലോ
             എനിക്കെന്റെ വീട്‌ നഷ്‌ടപ്പെട്ടിരിക്കുന്നു...

ഓ രോ അസ്‌ ത മയവും
ഒരു പുലരിക്കു വേണ്ടി യാ ണെങ്കിൽ ...
എനിക്കും ഒന്ന് അസ്‌ തമിക്കണം
ഒരു പുലരിയായ്‌ വന്നുദിക്കാൻ

കാലത്തിന്റെ കണക്കു പുസ്‌തകത്തിൽ
കറുത്ത മഷി കൊണ്ട്‌ ,
ഞാൻ എന്റെ നഷ്‌ടങ്ങളുടെ
കണക്കെഴുതി വച്ചിട്ടുണ്ട്‌;
എത്ര കൂട്ടിയിട്ടും  എത്ര കുറച്ചിട്ടും
മാറ്റമില്ലാത്ത കണക്ക്‌ :

ദിവസങ്ങൾ ആഴ്‌ച്ചകളായും
ആഴ്‌ച്ചകൾ മാസങ്ങളായും ;
പരിണമിക്കും മ്പോൾ
കലണ്ടറിന്റെ താളുകൾ മറിച്ച്‌
കാലം കൊഞ്ഞനം
കുത്തുന്നു...

ഒരു ആത്മഗതം

നാളേറെയായി ഇല പൊഴിഞ്ഞു തുടങ്ങിയിട്ട്‌...
അതിനു മുമ്പേ വേരുണങ്ങിത്തുടങ്ങിയിരുന്നു,
ഇനി പൊഴിയാൻ ഒരില പോലും ബാക്കിയില്ല ...
എന്റെ ശിഖരങ്ങളും ഉണങ്ങിക്കഴിഞ്ഞിരിക്കുന്നു...
ഞാൻ ഒരു പാഴ്‌ മരം
പച്ചപ്പിന്റെ ഭാവ ഭേതങ്ങളില്ലാതെ
ഉണങ്ങിക്കരിഞ്ഞ്‌ ഒരു പാഴ്‌മരം ...

വേരുകൾ എത്ര മണ്ണിലാഴ്ത്തിയിട്ടും
ഒരിറ്റു ജലം പോലും വലിച്ചെടുക്കാനാകാതെ
മണ്ണിനെ ഇറുകെപ്പുണർന്നിട്ടും
പിടിച്ചു നിൽക്കാൻ ആവാതെ ...,
മണ്ണിനു പോലും വേണ്ടാതായിരിക്കുന്നു എന്നെ...

കാറ്റ്‌ ഒന്നാഞ്ഞു   വീശിയാൽ...,
ഞാൻ നിലം പതിക്കും .
വയ്യ , എനിക്കീ മണ്ണിൽ മരിച്ചു വീഴാൻ വയ്യ ...
അതിനു മു മ്പേ മുറിച്ചു മാറ്റൂ എന്നെ ...
വിറകിനെങ്കിലും ഉപകരിക്കട്ടെ ,.